Во Египет денеска се спроведуваат втората рунда од првите парламентарни избори откако беше симнат исламскиот претседател Мухамед Морси од страна на војската во 2013 година. Според извештаите на локалните медиуми околу 3 илјади кандидати се борат за 288 пратенички места.
Првата рунда од изборите беше спроведена на 14-ти октомври, и помина со слаб одзив на гласачи. Официјалните конечни резултати од вториот круг се очекува да бидат објавени на почетокот на декември.