Турскиот претседател Реџеп Таип Ердоган изјави денеска дека нападите во Париз покренале бран на омраза кон муслиманите и бегалците во Европа. Тој побара од европските лидери да апелираат на „здрав разум“ во своите земји. Според него, извештаите за напади врз муслиманите и „заострените мерки“ кон бегалците по нападите во Париз, само ќе придонесат за „продлабочување на трагедијата“. Расизмот заедно со омразата кон Исламот, како што наведе Ердоган е најголемо зло и опасност.
