Турција и САД соопштија дека ќе ги интензивираат операциите со цел да го елиминираат присуството на милитантите на Исламската држава од турско сириската граница. Турскиот министер за надворешни работи Феридун Синирлиоглу изјави дека двете земји имаат одредени планови кои кога ќе бидат финализирани, нивните операции ќе се интензивираат. Исламската држава контролира дел од сириската граница со Турција со што на организацијата и се овозможува да врши шверц на борци, оружје и опрема.