Француската полиција за време на денешната рација уапсила 7 лица. Според полициски извори, целта на акцијата бил главниот организатор на терористичките напади во Париз, Абделхамид Абауд од Белгија. Во акцијата во предградието Сен Дени биле повредени и пет полицајци, еден од осомничените бил убиен, а една жена се самоубила со активирање бомба. Во нападите во Париз на 13 ноември загинаа 129 луѓе, а повеќе од 350 беа повредени. Исламската држава презема одговорност за нападите.
