Турскиот претседател Реџеп Таип Ердоган денеска повторно му наложи на премиерот Ахмет Давутоглу да состави Влада. Партијата на правдата и развојот го врати парламентарното мнозинство на изборите кои се одржаа на 1 ноември. Ердоган во август повика на нови парламентарни избори, откако преговорите кои траеја два месеца за составување коалициска влада завршија без успех.
