Франција побара воена и друга помош од европските партнери по терористичките напади во Париз. Француската влада за прв пат се повика на клаузулата за заемна помош во ЕУ со кој се бара сите земји членки да обезбедат помош на партнерската земја која била жртва на вооружена агресија на нејзина територија. Според министерот за одбрана Жан Ив Ле Дриан, партнерите од ЕУ може да помогнат со тоа што или ќе земат учество во француските операции во Сирија и Ирак или ќе ја поддржат земјата во други операции.
