Белгиските безбедносни сили денеска извршија претреси во куќите кои се наоѓаат во квартот Моленбеек во Брисел. Акцијата е поврзана со смртоносните напади во Париз. Белгискиот јавен сервис негираше дека еден маж е уапсен во врска со нападите во Франција. Претходно белгиски медиуми јавија дека бил уапсен Салех Абдеслам, 26 годишен државјанин на Франција.
Сиромашниот кварт Моленбеек, кој е дом на многу муслимански имигранти е центарот на истрагата за милитантите напади во Париз, откако се дозна дека двајца од напаѓачите живееле во таа област.