Турската полиција денеска во реонот околу Анталија уапси 20 лица, кои се осомничени за поврзаност со Исламската држава. Апсењата се извршени во пресрет на Самитот на Г-20, што ќе се одржи во градот на 15 и 16 ноември. Двајца од осомничените се руски државјани.
Турскиот министер за надворешни работи Феридун Синирлиоглу изјави дека Исламската држава претставува јасна закана. Тој најави и дека наредните денови ќе бидат спроведени дополнителни полициски акции против милитантите на Исламската држава. На Самитот на Г-20, главна тема ќе бидат борбата против тероризмот и ИД.