Соединетите држави имаат информации дека најновите руски бомбардирања во Сирија предизвикале колатерални штети, вклучувајќи убивање цивили, соопшти Стејт департментот. Граѓански групи обвинија дека руски авиони бомбардирале болници и убивале цивили, но Москва ги отфрла ваквите обвинувања. „Имаме оперативни информации што водат кон уверување дека цел на руските напади не биле само позиции на милитантите на Исламската држава, туку и цивилна инфраструктура при што имало и загинати“, изјави портпаролот на Стејт департментот Џон Кирби.
