Во последниве две недели, забележуваме дека СДСМ очигледно има тенденција да не постигнеме договор, изјави денеска Антонио Милошоски, член на ИК на ВМРО-ДПМНЕ, по средбата со белгискиот олеснувач Питер Ванхауте. Според него, секој даден предлог од СДСМ се менува во моментот кога ВМРО-ДПМНЕ ќе го прифати со цел да не се постигне договор.
Милошоски смета дека целта на таквото однесување на СДСМ е да продолжи политичката криза во Македонија како шанса за подобрување на нивниот рејтинг и да се изгуби препораката од Европската комисија со што би му се нанела штета на ВМРО-ДПМНЕ и на Владата предводена од владејачката коалиција.