Шефот на иранската дипломатија Џавад Зариф ќе присуствува на меѓународниот самит во Виена каде ќе се дискутира за конфликтот во Сирија. Преставниците на САД, Русија, Саудиска Арабија и Турција ќе се сретнат утре, а Зариф се очекува на разговорите да се придружи во наредниот ден. Зариф денеска телефонски разговарал со рускиот министер за надворешни работи Сергеј Лавров за сирискиот конфликт и престојните разговори. Сириската опозиција поддржана од Западот и арапските земји од Персискиот залив се против иранската улога во сирискиот конфликт. Техеран и Москва се главни поддржувачи на сирискиот претседател Башар ал Асад.