Американскиот државен секретар Џон Кери во наредните денови ќе отпатува во прва посета на Централна Азија на разговори со претставници на земјите од тој регион. Во Бишкек тој ќе присуствува на отворањето на нов кампус на американскиот универзитет во Централна Азија, а во Узбекистан ќе учествува на заедничката средба со шефовите ба дипломатиите на пет земји од тој регион како дел од новиот формат на дијалог меѓу овие земји и Соединетите држави. Кери ќе ги посети и Казахстан, Туркменистан и Таџикистан.
