Рускиот претседател Владимир Путин изјави денеска дека разузнавачките агенти годинава спречиле 20 терористички напади во Русија. Говорејќи на церемонија во Кремљ тој информира и дека биле уапсени 560, а убиени 112 милитанти во Северен Кавказ во разни немири и судири. По говорот на Путин полицијата соопшти и дека притвориле 20 припадници на забранета исламска организација во регионот околу Москва. Според министерството за внатрешни работи тие уништиле ќелија на исламската организација Хизб ут Тахрир.