Четири турски војници и над 20 курдски бунтовници се убиени во интензивни судири во југоисточниот дел на Турција, соопштија безбедносните сили. Судирите, кои траат неколку дена во планинскиот реон Даглеџа во округот Хакари, во близина на границата со Ирак, се многу жестоки. Во нив учествуваат и хеликоптери, и покрај објавеното еднострано примирје од Курдската работничка партија (ПКК) пред одржувањето предвремени парламентарни избори на 1 ноември во Турција.
Од крајот на јули ПКК ја обнови својата кампања за напади против турските безбедносни сили, убивајќи над 150 полицајци и војници. Турската армија од своја страна ги зајакна своите операции против бунтовниците на турска територија и во северниот дел на Ирак, каде ПКК има свои бази.