Организацијата Доктори без граници соопшти дека ќе ги разгледуваат нивните операции во Авганистан, по смртоносните американски напади на северот на земјата. Во нападите на 3 октомври меѓу Талибанците и владините сили беше погодена болница во Кундуз, при што загинаа 22 лица и персонал Доктори без граници. Од организацијата велат дека 33 луѓе се водат за исчезнати. Генералниот директор на организацијата Кристофер Стоукс денеска во Кабул рече: „Шокантната природа на настанот не принуди да направиме преглед на нашата работа во Авганистан, генерално и внимателно да ги разгледаме нашите обврски кон безбедноста на нашиот персонал и пациенти.“ Организацијата бара меѓународна истрага за бомбардирањето.
