Во изминатите 24 часа МВР има издадено потврди за искажана намера за поднесување на барање за признавање на право на азил на вкупно 2.084 странски државјани. Според државјанството најбројни се државјаните на Сирија 1.013, Авганистан 631, Ирак 334 и други. Во периодот од 19 јуни годинава издадени се потврди за искажана намера за поднесување барање за признавање на право на азил на вкупно 94.842 странски државјани. Од започнувањето на издавањето на потврдите до Одделението за азил се поднесени 50 барања за признавање право на азил врз основа на претходно издадена потврда.
