Министрите за внатрешни работи на Европската унија на состанокот во Брисел се согласија за првична распределба на околу 32 илјади бегалци од Италија и Грција во други земји на ЕУ. Бројката е помала од првичното барање на Европската комисија за распределба на 40 илјади бегалци и далеку помала од вкупната бројка за распределба на 160 илјади бегалци. Претседателот на Советот на Европа, Доналд Туск рече дека ќе ги повика лидерите на вонреден самит ако нивните министри за внатрешни работи не можат да се договорат за решение. На 9 септември Јункер претстави итен план за справување со бегалската криза во Европа.