Кина и Казахстан потпишале договори во вредност од 23 милијарди долари. Ова е соопштено од кабинетот на претседателот на Казахстан Нурсултан Назарбаев кој се наоѓа во посета на Кина. Пекинг инвестира милијарди долари во Казахстан, земја која е позната по рудното богатство. Двете земји и во март потпишаа договори во вредност од над 20 милијарди долари, главно во енергетскиот сектор.
