Американски маринци со тенкови, артилерија и оклопни возила вчера пристигнаа во Бугарија како дел од планот за обука на сојузничките сили и за поддршка на членките на НАТО кои стануваат се понервозни околу последните активности на Русија во Украина. Станува збор за 160 маринци кои во најголемиот бугарски воен тренинг центар Ново Село ќе останат во три шестмесечни ротации.
