Неопходна е примена на мировната спогодба постигната во февруари годинава во Минск со цел да се оствари примирјето во источна Украина. Ова беше оценето по синоќешниот состанок во Берлин меѓу германскиот канцелар Ангела Меркел, францускиот претседател Франсоа Оланд и украинскиот претседател Петро Порошенко. „Се состанавме за да нагласиме дека е потребна примена на спогодбата од Минск, а не да ја доведуваме под прашалник“, рече Меркел. Според Порошенко, Русија и проруските бунтовници биле единствената закана за мирот во регионот.
