Украинскиот претседател Петро Порошенко ги повика сите политичари од земјата да ги поддржат неговите планови за уставните измени со цел да се стави крај на сепаратистичкиот конфликт во источниот дел и да се порази како што го нарече рускиот агресор. Тој за време на церемонијата по повод Денот на независноста им порача на коалиционите партнери да ги премостат нивните сомнежи и да гласаат за уставните измени со кои ќе им се даде специјален статус на сепаратистичките делови во источна Украина. Предложените измени ќе бидат ставени на гласање во Парламентот на 31 август.