Украинската војска соопшти дека се влошува ситуацијата во источниот дел на земјата каде владините сили се борат со проруските бунтовници. Портпаролот на украинскиот претседател за воени прашања Олександар Мотузјаник изјави дека бунтовниците продолжуваат да ги напаѓаат позициите на владините сили. Според него, осум украински војници биле повредени во борбите во изминатиот ден, а најголем дел од нападите се случувале во близина на пристанишниот град Мариупол.
