Министерството за внатрешни работи соопшти дека во пограничниот регион на Гевгелија во текот на денот не се регистрирани никакви посериозни инциденти. Во периодот од 19 јуни до денеска, издадени се потврди на вкупно 42.421 странски државјани. Според државјанството на лицата на кои им се издадени потврди, најбројни се државјаните на Сирија, потоа Авганистан и Ирак. Досега до Одделението за азил се поднесени 49 барања за признавање на право на азил врз основа на претходно издадена потврда.