На вчерашната седница македонската влада донесе одлука за прогласување кризна состојба во врска со мигрантите што влегуваат во земјата. Како што информираше предмалку МВР, полицијата и војската заедно ќе патролираат во граничната зона меѓу Македонија и Грција и ќе се потрудат физички да го спречат влегувањето на мигранти. Наскоро, како што се наведува, МВР и АРМ ќе формирале штаб за координирање околу спроведувањето на активностите. Инаку, како што јавуваат локалните медиуми, на македонско-грчката граница илјадници бегалци биле наредени долж граничниот појас и се обидувале да влезат во Македонија. Исто така, меѓународната пруга Солун-Скопје е блокирана од неколку илјади бегалци, а на грчка територија веќе биле заглавени два товарни и еден патнички воз. Пристигнала и грчката патролна полиција за да ги извести македонските полициски структури за ситуацијата од другата страна на границата.