„Македонската железница нема капацитети да ги превезе сите кои сакаат да одат во земјите на Европската унија. Ситуацијата е алармантна“, изјави директорот на ова претпријатие Никола Костов за телевизија Телма. Тој ги повика соседните земји да позајмат вагони за превоз на бегалците. Околу 2 илјади и 600 сириски бегалци од неколку грчки острови денеска со брод треба да пристигнат на континенталниот дел на Грција. Бродот „Елефтериос Венизелос“ вчера тргна од островот Кос и најпрвин бил упатен кон Солун, но потоа пренасочен кон Пиреја. Во Грција од почетокот на годинава досега пристигнаа над 150 илјади мигранти, главно од Сирија.
