Досегашниот директор на Управата за јавни приходи Горан Трајковски е назначен за в.д директор до завршување на постапката за избор на нов прв човек на УЈП. Од Владата информираат дека во процедура е селекција на кандидати на објавениот оглас за назначување директор на оваа институција. „Директор може да биде секој кој се пријавил на огласот и кој ги исполнува условите пропишани со законските нормативи“, велат од Владата.
