Египетскиот претседател Абдел Фатах ал Сиси го одобри антитерористичкиот закон за кој критичарите оценуваат дека претставува закана за слободата на говорот. Со законот, меѓу другото, се предвидуваат високи парични казни и можно бркање од работа за ширење информации кои се контрадикторни од верзијата на властите за некој воен напад. Законот предвидува и формирање специјални судови. Претседателот Сиси вети построги закони откако во јули годинава во напад со автомобил бомба бил убиен главниот обвинител на Египет.