Американскиот секретар за одбрана Ештон Картер во ресорниот сенатски Комитет изјави дека неодамна потпишаниот нуклеарен договор со Иран нема да ја ограничи американската подготвеност, доколку тоа е потребно, да одговори со воена сила. „Ако Иран покаже агресивност, ние многу брзо ќе одговориме“, рече тој. Конгресот треба до 17 септември да го преразгледа договорот со кој се ограничува иранската нуклеарна програма во замена за олабавување на меѓународните економски санкции врз Техеран.
