Грчките пратеници денеска треба да гласаат за вториот пакет реформи, што ќе биде уште еден тест за премиерот Алексис Ципрас. Грција мора да го усвои и вториот пакет за да добие 83 милијарди евра помош во следните три години. На 20 август истекува рокот до кој Грција треба да и врати 3,2 милијарди евра на Европската централна банка, а во септември и милијарда ипол евра на Меѓународниот монетарен фонд. Грчката влада вчера во парламентот презентираше повеќе нацрт закони за реформи, со барање финалниот договор да се постигне до 20 август.