За успешно имплементирање на договорот за надминување на политичката криза потребно е вклучување и на други партии, сметаат од ДОМ. Од партијата велат дека треба да се вклучат и невладини организации и пошироката демократска јавност. Од ДОМ сметаат дека ако за суштинските прашања во земјата одлучуваат само 4 партии, тогаш ќе се даде легитимитет на бипартиски и бинационален принцип, кој е и дел од причините за кризата, што, како што посочуваат, ќе предизвика уште поголема поделеност на македонското општество.
