Од денеска до вторник, Македонија ќе биде зафатена со температури до 40 степени целзиусови, кои ја дефинираат жолтата (алертна) фаза.
Денеска се очекува да биде сончево и жешко, со слаб ветер претежно од југоисточен правец. Во вечерните часови во околината на Шар Планина е можна краткотрајна појава на дожд. Температурата ќе се движи до 38 степени во Скопје а до 35 во Пелагониската котлина, и околу 32 во охридско- преспанскиот крај.
Министерството за здравство им препорачува на граѓаните да избегнуваат престој на отворено од 11 до 17 часот, да консумираат лесна храна и течности,и хронично болните да не отстапуваат од пропишаната терапија.
Поради високите температури и зголемената можност за појава на труења со храна и цревни заразни заболувања, потребно е задолжително миење на свежиот зеленчук и овошје пред нивната употреба, ,потоа термичка подготовка на храната и нејзино консумирање во многу кус рок по подготовката.