Средбата на лидерската четворка во резиденцијата на ЕУ во скопско Пржино со еврокомесарот Јоханес Хан се уште трае. Првично беше најавено дека Хан ќе одржи прес конференција во 18:30, но сега пресот е презакажан за во 20 часот. На заедничката средба и претходеа одвоени средби со лидерите на ВМРО-ДПМНЕ, СДСМ, ДУИ и ДПА. При влегувањето во резиденцијата на ЕУ, лидерот на ДУИ Али Ахмети, на новинарско прашање дали ќе има договор, кусо одговори дека ќе има. Хан, кој е посредник во преговорите за надминување на политичката криза, на разговорите во Скопје е придружуван од тројцата европратеници, Ричард Ховит, Едвард Кукан и Иво Вајгел.