Претседателот на ДУИ, Али Ахмети по средбата со Јоханес Хан во седиштето на ЕУ во Скопје, рече дека сите политички партии треба да се надминат себе си и државните интереси да ги стават пред партиските. Ахмети вели дека денеска е важен ден за Македонија и дека ДУИ има свои предлози за надминување на кризата. Хан имаше средба и со лидерот на ДПА, Мендух Тачи. Попладне Хан ќе има одвоени средби со Груевски и со Заев, а подоцна и заедничка средба со четворицата лидери, по што ќе следува прес конференција.
