Во Прифатниот центар за странци синоќа имало инцидент, информира МВР. Според нив, група од осум лица, странски државјани, се затвориле во една од собите, поставиле на вратата ормари и кревети за да не може да се влезе и почнале да извикуваат слогани и се заканувале дека ќе ја запалат собата. Полициски сили пристигнале во Прифатниот центар и по еден час состојбата била нормализирана и се работи на расчистување на настанот, велат од МВР.