Полицијата во Турција уапсила осомничени членови на групата Исламска држава, објавија државните медиуми. Полицијата уапсила 21 човек, меѓу кои имало тројца странци. Странците, чија националност не е наведена, планирале да влезат во Сирија. Полицијата запленила и оружје и муниција, како и електронска опрема и воени униформи во сопственост на групата.
Турција под странски притисок вети поголема соработка во борбата против милитантите во Сирија, а ги засили и напорите да се спречат странски борци кои одат во Сирија да се приклучат на ИД.
