Претседателите на Русија и на Иран разговарале за воената и за нуклеарната соработка, како и за борбата против организацијата Исламска држава, соопшти Кремљ. Владимир Путин и Хасан Рохани се сретнаа денеска во рускиот град УФА, каде се одржува Самитот на БРИКС. Портпаролот на Кремљ, Дмитриј Песков, изјави дека Путин нотирал дека има „позитивна динамика“ во тековните разговори во Виена за нуклеарната програма на Иран, и изразил надеж дека во блиска иднина ќе дојде до потребниот компромис. Рохати изјави дека е благодарен на Русија за нејзините напори да се обезбеди сеопфатен договор меѓу Иран и шест светски сили.