Грчкиот министер за финансии Јанис Варуфакис изјави дека тоа што кредиторите и го прават на неговата земја е тероризам. Тој во интервју за шпанскиот весник „Мундо“ ги обвини кредиторите дека сакале да ги понижат Грците, кои утре на референдум треба да се произнесат во однос на последните предлози на кредиторите за реформи. Според него, какви и да бидат резултатите од референдумот, банките ќе ги отворат вратите и ќе има договор со кредиторите.
