Иранскиот министер за надворешни работи Мохамед Џавад Зариф изјави дека никогаш не биле поблиску до постигнување долгорочен нуклеарен договор со шесте светски сили. Во порака постирана на Јутјуб тој порача и дека нема гаранција за успех. Видеото е снимено на терасата на хотелот во Виена, каде се одржуваат преговорите меѓу Иран и светските сили.
Американскиот државен секретар Џон Кери претходно ги пофали напорите на сите преговарачки страни за постигнување договор. Според него, во преговорите има напредок, но остануваат некои тешки прашања.