Европските лидери велат дека се уште има време да се постигне договор со владата на Грција и да се избегне можното излегување на земјата од еврозоната. Германската канцеларка Ангела Меркел денеска рече дека Берлин е подготвен да зборува со грчката влада во кое било време. Францускиот претседател Франсоа Оланд рече дека Фрaнција сака Грција да остане во еврозоната и дека се подготвени да делуваат на тоа. Од Европската Комисија велат дека ќе соопштат нов предлог за надминување на кризата подоцна денеска.
