Ерменски активисти кои протестираат против покачувањето на цената на струјата го продолжија протестот во Ереван и покрај тоа што претходно тој беше насилно растурен од полицијата. Демонстрантите бараат преразгледување на одлуката со која струјата од 1 август поскапува за 16 насто. Ерменскиот претседател Серж Саркисијан ја повтори понудата да се сретне со претставници на демонстрантите за да разговара за нивното барање. Вчера полицијата употреби водени топови и палки за да ги растера демонстрантите во Ереван.
