Владата на Република Македонија темелно ќе ги проучи препораките од извештајот на Европската комисија, изработен од група експерти под водство на Рејнхард Прибе, и се очекува истите да бидат искористени во реформите потребни за европските интеграции, изјави за МИА владиниот портпарол Александар Ѓорѓиев. Се очекува извештајот на комисијата да биде дел од темите на кои Владата ќе се осврне на денешната редовна седница.