Авганистанските безбедносни сили соопштија дека се подготвуваат да преземат контранапад денеска во областа на северната провинција Кундуз која беше заземена од талибанските борци и централно азиските милитанти, групи лојални на Исламска држава. Локалните власти потврдија дека бунтовниците вчера ја зазеле областа Чардара по дводневни напади на провладините сили. Талибанците исто така имаат позиции и во Гул Тепе, област која се наоѓа на северозапад од главниот град на провинцијата. Талибанците и Централно азиските милитанти почнаа офанзива во април. Многу од бунтовниците се инфилтрираа во северен Авганистан минатата година откако избегаа поради пакистанската воена офанзива во племенскиот регион Северен Вазиристан.
