Кралицата Елизабета ја предводеше церемонијата за одбележување на 800 годишнината од донесувањето на Магна Карта. Британскиот премиер Дејвид Камерон исто така присуствуваше на церемонијата во близина на Лондон, каде во 1215 година кралот Џон се сретнал со незадоволните барони и се согласиле за основните права запишани на листата. Магна Карта или Големата повелба се смета за основачкиот документ на англиското право и граѓански слободи. Најпознатата клаузула во документот е правото на правда и фер судење.
