Јужна Африка не му дава на суданскиот претседател да си оди

Судот во Јужна Африка издаде наредба со која се спречува суданскиот претседател Омар ал-Башир да ја напушти земјата каде што присуствуваше на самит. Башир ќе мора да остане во Јужна Африка додека судот да одлучи дали ќе го предаде на Меѓународниот кривичен суд. Сослушувањето е закажано за денеска. Башир присуствуваше на групното фотографирање на самитот на лидерите на земјите од Африканската унија и покрај повиците за негово апсење. Според ОН, во конфликтот во Дарфур во Судан што почна во 2003 година биле убиени најмалку 300 илјади луѓе.