Романскиот Парламент не изгласа недоверба на владата на премиерот Виктор Понта. Гласањето беше по барањето на опозицијата, поради обвинувањата против Понта за перење пари, корупција и конфликт на интерес. Гласањето на недоверба беше неуспешно откако 194 пратеници гласаа „за“, 13 гласаа „против“, а седум од гласовите беа неважечки.
Владејачката коалиција присуствуваше на седницата, но не учествуваше во тајното гласање. Понта пред гласањето изјави дека не ја обвинува опозицијата затоа што не е во состојба да ја собори владата и чека една друга власт или еден обвинител да го стори тоа наместо неа.