Премиерот на Молдавија, Кирил Габуричи изјави дека се повлекува од функцијата по прашањата кои се покренаа во јавноста за неговата диплома од средното училиште и факултет. Тој нагласи дека прашањата за неговото образование станале инструмент на политички игри. Тој не сакаше да даде коментар за обвинувањата против него.
Габуричи, кој е проевропски бизнисмен ја презема функцијата во февруари. Тој на почетокот на неделава побара оставка од јавниот обвинител и шефот на народна банка кои не успеале да откријат каде исчезнале милијарда долари од молдавските банки.