Во Франција денеска треба да биде донесена пресуда дали поранешниот шеф на Меѓународниот монетарен фонд и кандидат за француски претседател Доминик Штрос Кан е виновен за сексуално злоставување. Четири години по обвинувањата од една собарка во хотел во Њујорк што ги прекинаа неговите политички амбиции, Кан денеска ќе слушне дали ќе биде осуден за друг случај. Имено 66 годишниот Кан во Франција е обвинет дека организирал оргии со проститутки.
