Двајца украински војници и тројца цивили загинале во одделени инциденти во источна Украина. Портпаролот на украинската војска, Андриј Лисенко изјави дека двајцата војници загинале, а други 13 биле повредени во напади на проруските бунтовници кои користеле тешко оружје. Претставникот на бунтовниците Едуард Басурин изјави дека три жени загинале кога владините сили извршиле напад врз Горливка, кој се наоѓа на 30 километри од Доњецк.
