Романскиот претседател Клаус Јоханис го повика премиерот Виктор Понта да поднесе оставка, откако обвинителството отвори истрага против него за корупција. Националната антикорупциска дирекција соопшти дека Понта е осомничен за перење пари, конфликт на интерес, затајување данок и фалсификување. Според нив, Понта е осомничен дека добил 63 илјади евра од адвокатска компанија за фиктивна правна услуга меѓу 2007 и 2008 година. Парите премиерот, како што наведуваат од дирекцијата, ги искористил за да купи два луксузни стана во Букурешт.
