Американскиот специјален претставник во коалицијата против милитантите на Исламската држава пензионираниот генерал Џон Ален изјави дека оваа група претставува глобална закана и оти ќе минат неколку генерации пред да биде победена нејзината идеологија. Во говорот на Форумот Соединети Држави, Исламски свет што се одржа во Доха, Катар тој оцени дека доколку милитантите не бидат поразени тогаш тие ќе предизвикаат хаос во напредокот на човештвото. Генерал Ален денеска ја започнува турнејата по неколку земји на Балканот.
